Գինին արտադրվում է Արենի, Հաղթանակ, Կախեթ և Կարմրահյութ սորտերից: Այն պատրաստվում է հին հայկական Կախանի մեթոդով, երբ խաղողը 3 ամսով կախում են չորացնելու համար: Խմորման գործընթացից հետո գինին 6 ամիս հնեցվում է նոր տակառներում, որից հետո ևս 18 ամիս հնեցվում է հին տակառներում: Գինին ունի խիստ մանուշակագույն երանգ, չամիչի, շաքարակալած մրգերի, կաղնու և կաշվի, մոշի մուրաբայի և սալորաչրի ներդաշնակ բույր: Բույրերը և համերը հաճելիորեն ամփոփվում են քիմքում վանիլային-շոկոլադե համերով: