Գինին կազմված է 60% Արենիից և 40% Սիրաից:
Արենին` ծովի մակարդակից մոտ 1750 մետր բարձրության վրա գտնվող Խաչիկ գյուղից, և Վայոց Ձորում աճեցված Սիրան միավորվում են բացահայտելու հյուսիսային կիսագնդի ամենաբարձր խաղողի այգիներից մեկի ուժն ու շքեղությունը:
Գույնը՝ վառ, բյուրեղյա մաքուր, հագեցած սուտակագույն:
Բույրը ՝ վառ արտահայտված կարմիր հատապտուղներ (լոռամիրգ, ելակ, ազնվամորի), դաղձի նուրբ նոտաներ, մանուշակներ, ինչպես նաև պղպեղային տոներ: Օդափոխությունից հետո առաջանում են նաև մուշկի և տրյուֆելների երանգներ:
Համը՝ պղպեղի արտահայտիչ նոտաներ(սև աղացած և բուրավետ պղպեղ), համը պարունակում է նաև փափուկ,թավշյա տանիններ հաճելի, տտիպ ազդեցությամբ: Միջին տևողության համ:Բացառապես ձեռքով հավաքած խաղողներ, պտուղների մանրակրկիտ ընտրությամբ: Էնդեմիկ Արենի տեսակի խաղողի վազերը մշակվում են Վայոց Ձորի մարզում: Խաղողի այգիները գտնվում են Խաչիկ գյուղում, ծովի մակարդակից 1750մ բարձրության վրա:
